Preventive orders issued in Shirdi : अहिल्यानगर : शिर्डीत दररोज देश-विदेशातून लाखो साईभक्त दर्शनासाठी येतात. परंतु, साईबाबा (Saibaba) समाधी मंदिर परिसरात दर्शनासाठी (Darshan) येणाऱ्या भाविकांची एंजटांकडून सर्रास पिळवणूक केली जाते. आता या प्रकाराला आळा घालण्यासाठी प्रशासनाने ठाेस पावले उचलली आहेत. भाविकांची वाहने अडवून त्यांना विशिष्ट दुकानातूनच पूजासाहित्य खरेदी करण्यास भाग पाडणाऱ्या व खासगी पार्किंगचा आग्रह धरणाऱ्या एजंटांवर कलम १५२ अन्वये प्रतिबंधात्मक कारवाई (Preventive orders issued in Shirdi) करण्यात येणार आहे, असे आदेश शिर्डी (Shirdi) विभागाचे उपविभागीय दंडाधिकारी माणिक आहेर यांनी जारी केले आहेत. त्यामुळे परिसरातील एंजंट चांगलेच धास्तावले आहे.
अवश्य वाचा : संजय राऊत यांच्या ट्विटने राजकीय वर्तुळात खळबळ
शिर्डी शहरात अनेक ठिकाणी खासगी व्यक्तींकडून सार्वजनिक रस्त्यावर भाविकांची वाहने बेकायदेशीरपणे अडवली जातात. भाविकांना खासगी पार्किंगच्या ठिकाणी वाहने घेण्याचा आग्रह धरला जातो. तसेच विशिष्ट दुकानांतून अव्वाच्या सव्वा दरात पूजासाहित्य खरेदी करण्यास भाग पाडले जाते. यातून भाविकांची मोठी आर्थिक पिळवणूक होत असल्याच्या तक्रारी प्राप्त झाल्या होत्या. अनेकदा भाविकांना दमदाटी, शिवीगाळ व धक्काबुक्की करण्याचे प्रकारही घडले आहेत. या पार्श्वभूमीवर कायदा व सुव्यवस्था अबाधित राखण्यासाठी प्रशासनाने हे आदेश जारी केले आहेत.
नक्की वाचा : यंदाच्या प्रजासत्ताक दिनी पाच हजार विद्यार्थ्यांची एकाच वेळी कवायत
या आदेशानुसार शिर्डी गावाच्या बाहेरील किंवा गावातील सार्वजनिक रस्ते, चौक, बसथांबे व प्रवेश मार्गावर दर्शनासाठी येणाऱ्या भाविकांची वाहने थांबवून त्यांची दिशाभूल करण्यास मनाई करण्यात आली आहे. कोणत्याही व्यक्तीने स्वतःला देवस्थान ट्रस्ट किंवा प्रशासनाचा अधिकृत प्रतिनिधी असल्याचे भासवू नये, भोजन, निवास किंवा दर्शनाच्या नावाखाली मध्यस्थीचे व्यवहार करणाऱ्यांवरही निर्बंध लादण्यात आले आहेत. या आदेशाचे उल्लंघन करणाऱ्या व्यक्तींवर कायदेशीर कारवाई करण्यात येणार आहे.
