Shirdi Crime : अहिल्यानगर : शिर्डीत (Shirdi) बाबन बंगले येथील प्रतिष्ठित परिसरात पाेलिसांनी हाॅटेल पवनधाम येथे छापा टाकत हायटेक देहव्यापाराचा (Prostitution)पर्दाफाश केला आहे. या कारवाईत चार पीडित महिलांची सुटका करण्यात आली असून हाॅटेल मालकासह दाेन जणांना अटक केली आहे. पाेलिसांनी (Police) अनैतिक देहविक्रय प्रतिबंधक कायद्यानुसार कारवाई केली असून संबंधित हाॅटेलही सील करण्यात आले असल्याची माहिती प्रशासनाने दिली.
अवश्य वाचा : शिक्षकी पेशाला काळीमा; चार अल्पवयीन मुलींवर लैंगिक अत्याचार
देवाचे गाव म्हणून जगविख्यात असलेले शिर्डीचे नाव काही अपप्रवृत्तीमुळे खराब हाेत आहे. शिर्डीतील पवनधाम हाॅटेलमध्ये साेशल मीडियाच्या माध्यमातून ग्राहकांना आकर्षित करून अवैध वेश्याव्यवसाय सुरू असल्याची गाेपनीय माहिती पाेलिसांना मिळाली. त्याआधारे उपविभागीय पाेलीस अधिकारी अमाेल भारती यांच्या पथकाने कारवाई केली. या प्रकरणी हाॅटेल मालक गाेविंद गरूड आणि लता चव्हाण यांच्यावर गुन्हा दाखल करण्यात आला.
हेही वाचा : गोवंशीय जनावरांची बेकायदेशीर कत्तल; ‘या’ जिल्ह्यातून आठ जण हद्दपार
