Ahilyanagar : अहिल्यानगर : अहिल्यानगर महापालिका कर्मचारी सहकारी पतसंस्थेच्या अध्यक्षपदी बाबासाहेब मुदगल यांची तिसऱ्यांदा बिनविरोध निवड होऊन त्यांच्या नेतृत्वावर पुन्हा एकदा शिक्कामोर्तब झाले आहे. उपाध्यक्षपदी कैलास चावरे यांचीही एकमताने निवड करण्यात आली.
या निवड प्रक्रियेचे कामकाज निवडणूक निर्णय अधिकारी ज्योती हराळे यांनी पार पाडले. अध्यक्षपदासाठी मुदगल यांच्या नावाची सूचना संचालक सोमनाथ सोनवणे यांनी मांडली, तर अनुमोदन प्रमिला पवार यांनी दिले. उपाध्यक्षपदासाठी कैलास चावरे यांच्या नावाची सूचना बलराज गायकवाड यांनी मांडली, तर अनुमोदन अजय कांबळे यांनी दिले.
यावेळी तज्ज्ञ संचालक जितेंद्र सारसर, माजी चेअरमन विजय कोतकर, माजी उपाध्यक्ष किशोर कानडे, संचालक सतीश ताठे, विकास गीते, गुलाब गाडे, शेखर देशपांडे, बाळासाहेब गंगेकर, बाळासाहेब पवार, आनंद तिवारी आदी उपस्थित होते.
निवडीनंतर बोलताना नूतन अध्यक्ष बाबासाहेब मुदगल यांनी सांगितले की, “संचालक मंडळाने दाखविलेल्या विश्वासाला न्याय देत सभासदांच्या हिताचे निर्णय घेतले जातील.”
नूतन व्हाईस चेअरमन कैलास चावरे यांनी संचालक मंडळ व सभासदांनी दाखविलेल्या विश्वासाबद्दल आभार मानले व पुढील काळात संस्थेच्या प्रगतीसाठी कार्यरत राहण्याचा निर्धार व्यक्त केला. बिनविरोध निवडीतून नव्या पदाधिकाऱ्यांवर मोठी जबाबदारी सोपवण्यात आली असून पतसंस्थेच्या विकासासाठी ते सकारात्मक भूमिका निभावतील, अशी अपेक्षा व्यक्त केली जात आहे.
